Auto news — Paylaşım

🚙 🇦🇿 Sivil avtomobil bazarında vəziyyət gərgindir! 📌 Azərbaycan Avtomobil Dilerləri Assosiasiyasının (AADA) İdarə Heyətinin Sədri Natiq Zərbəli, “Report” İnformasiya Agentliyinə müsahibə verib. 📌 Məlumata görə 2024-cü ildə satılmış yeni avtomobillərin 45%-i “paralel importdur”, yəni xarici istehsalçının öz rəsmi idxalı ilə yox, üçüncü tərəflərlə ölkəyə idxal olunub. 🤔 Bildirilir ki, zərbə ciddi olub, bir sıra adlı-sanlı rəsmi avtomobil diler və distribyutor şirkətləri fəaliyyəti dayandırmaq üzrə qalacaq vəziyyətə belə çatıblar. 📑 “Boz bazar” adlandırılan idxalın mənfi təsirləri isə bu cür xarakterizə olunur: - bazarda haqsız rəqabət yaranır, maliyyə çətinlikləri ilə üzləşmiş rəsmi diler və distribyutorlar biznesin inkişafına yönələn investisiyaları və marketinq xərclərini azaltmağa, iş yerlərini ixtisara salmağa məcbur olur, bu da sektorun inkişafına və ümumi biznes mühitə mənfi təsir edir - gündən günə nəzarətsiz böyüyən paralel import hətta ölkələr arası ticarət sazişlərinə təsir edə bilər, nəticədə iqtisadi mübahisələrə, tariflərin dəyişilməsinə, məhdudiyyətlərə gətirib çıxara bilir - avtomobillərin zəmanəti və texniki xidməti ilə əlaqədar problemlər qaçılmazdır, başqa ölkədə satılmış avtomobilin texniki düyünləri, ehtiyyat hissələri, proqram təminatı fərqli ola bilər və yerli rəsmi servislər buna hazır deyil, nəticədə istehlakçı hüquqları pozulur və brendin imicinə zərbə dəyir - paralel import rəsmi diler və distribyutorların intellektual mülkiyyət hüquqlarını poza bilir - avtomobillər bizim iqlim, yanacaq, yol şəraitinə uyğunlaşdırılmır - yerli keyfiyyət standartlarına və təhlükəsizlik tələblərinə uyğunsuzluqlar yaşanır